BMT-nin Baş katibi Antoniu Quterreş Rusiya və Ukraynanı Zaporojye AES-in ərazisinə zərbə endirməməyə, oradan hərbçiləri çıxarmağa, həmçinin Beynəlxalq Atom Enerjisi Agentliyinin (BAEA) obyektə maneəsiz çıxışını dərhal təmin etməyə çağırıb.

Onun bununla bağlı bəyanatı BMT-nin saytında dərc olunub.

BMT-nin Baş katibi Zaporojye AES-lə bağlı narahatlığını ifadə edib. O, son günlərdə yeni narahatedici hadisələr haqqında xəbərlərin daxil olduğunu və davam edəcəyi təqdirdə bu hadisələrin faciəyə səbəb ola biləcəyini bildirib.

Antoniu Quterreş tərəfləri təhlükəsiz demilitarizasiya perimetri haqqında saziş imzalamağa çağırıb.

İstinadlar Report