ABŞ-ın qan zəhərlənməsi ilə xəstəxanaya yerləşdirilmiş keçmiş prezidenti Uilyam Ceferson (Bill) Klinton bazar günü (yerli vaxtla-red) xəstəxanada qalacaq.

Bu barədə onun mətbuat katibi Anxel Urenya bildirib.

“Prezident Klintonun səhhəti son 24 saat ərzində yaxşılaşıb. O, sabah gözlənilən evə buraxılmazdan əvvəl antibiotiklərin venadaxili kursunu davam etdirmək üçün gecə “UC Irvine” tibbi mərkəzində qalacaq”, – mətbuat katibi deyib.

Onun sözlərinə görə, Klinton əla əhval-ruhiyyədədir, ailəsi illə vaxt keçirir, dostlarla ünsiyyət saxlayır və Amerika futbolunun oyunlara baxır. Klinton tezliklə evə qayıtmağı nəzərdə tutur və dəstəyə görə hamıya təşəkkür edir.

Qeyd edək ki, Klinton bir neçə gün əvvəl qan zəhərlənməsi diaqnozu ilə Kaliforniyada xəstəxanalardan birinə yerləşdirilib.

İstinadlar Report