Bərdədə bir nəfərin ölümü, iki nəfərin xəsarət alması ilə nəticələnən ağır yol-nəqliyyat hadisəsi baş verib.

Hadisə rayonun Mirzəxan kəndi ərazisində qeydə alınıb.

Belə ki, “VAZ-21011” markalı minik avtomobili hərəkətdə olan zaman Traktorla toqquşub. Qəza zamanı minik avtomobilinin sürücüsü Babayev Ramiz Musa oğlu hadisə yerində ölüb. Minik avtomobilinin sərnişinləri, Ağcəbədi rayon sakinləri İbrahimov Namiq Akif oğlu və Mehrəliyev Təbriz Sabir oğlu müxtəlif dərəcəli bədən xəsarətləri ilə Bərdə rayon Mərkəzi Xəstəxanasına çatdırılıblar.

Faktla bağlı araşdırma aparılır.

Tural Hüseynli

İstinadlar Qafqazinfo