Yerevanda Milli Akademik Opera və Balet Teatrının yaxınlığında yerləşən kafelərin sökülməsinə qarşı keçirilən etiraz aksiyalarında polislə mitinqçilər arasında toqquşma olub.

Aksiyada yaralananların sayı 4 nəfərə çatıb. Daha bir polis əməkdaşı xəstəxanaya yerləşdirilib. Askiyada yaralananlardan biri də “Çiçəklənən Ermənistan” partiyasının deputatı Naira Zöhrabyandır. O, ayağından zədə alıb. 

Qeyd edək ki, kafelərin söküntüsünə dünən səhər saatlarından başlanılıb. Bu isə işçilərin və obyekt sahiblərinin narazılığına səbəb olub. 

“Avropa” otelində “Zaminbank”ın Nəsimi filialının müdiri Azər Məmmədovu öldürməkdə təqsirləndirilənlər – Sənan Quliyev və Mövlud Səfərov kassasiya məhkəməsi təxirə düşüb.

Hər iki şəxsin vəkili Cavid Rzazadə bildirib ki, prosesdən öncə hakimə müraciət edərək işin təxirə salınmasını istəyiblər: “Məhkumların və mənim cinayət işi ilə tanış olmağım, onların özünün də prosesdə iştirak etməsinin təmin olunması və xüsusilə‚ prezident İlham Əliyevin martın əvvəlində Şamaxı rayonuna səfəri zamanı bu işlə bağlı Sənan Quliyevin bibisi tərəfindən ölkə başçısına əlbəəl məktub verilməsini nəzərə alaraq işin təxirə salınmasını xahiş etdik. Ali Məhkəmənin hakimi Əli Seyfəliyev müraciətimizi nəzərə alıb prosesi mayın 8-dək təxirə saldı”.

S.Quliyevin qardaşı Səbuhi Quliyev bildirib ki, artıq məktubu təhvil verdikdən sonra onlara zəng edilib və məsələnin araşdırıldığı bildirilib.

Xatırladaq ki, 2015-ci il aprelin 21-də otelin nəzdində yerləşən idman zalında münaqişə zəminində Bakı şəhər sakinləri, 1985-ci il təvəllüdlü Azər Məmmədov ürək nahiyəsindən 3 bıçaq xəsarəti alaraq hadisə yerində dünyasını dəyişib. 1971-ci il təvəllüdlü Ruslan Əfəndiyev və Ceyhun Nağıyev isə sinəsindən bıçaq xəsarəti alıblar və xəstəxanaya yerləşdiriliblər. Onların  həyatını xilas etmək mümkün olub. Hadisəni törətməkdə şübhəli bilinənlər – Bakı şəhər sakini, 1987-ci il təvəllüdlü Sənan Təvəkkül oğlu Quliyev və onun dostu Mövlud Səfərov tutulub.

İttihama görə, M.Səfərovun idman zalında bilmədən tatami üzərinə ayaqqabı ilə çıxması R.Əfəndiyevlə onun arasında mübahisəyə səbəb olub. Daha sonra əlbəyaxaya çevrilən münaqişəyə Azər Məmmədov, Mövlud Quliyev və Ceyhun Nağıyev də müdaxilə edib. S.Quliyev çantasında olan bıçağı çıxaraq adı çəkilən şəxsləri vurub. Hadisə nəticəsində S.Quliyev və M.Səfərov da döyülərək xəsarətlər alıblar.

Təqsirləndirilən şəxslər məhkəmədə ifadələri zamanı özlərini təqsirli bilmədiklərini deyiblər. M.Səfərov heç kimi vurmadığını, əksini özünün davada döyüldüyünü deyib bə bildirib ki, Sənanın onları bıçaqladığı hadisədən sonra bilib.

S.Quliyev isə onu döydükləri üçün özünü müdafiə etmək də Azərlə Ruslanı qorxutmaq üçün bıçaq çıxarıb havada yellədiyini deyib, kimisə vurmaq niyyəti olmadığını bildirib.

Bakı Ağır Cinayətlər Məhkəməsinin hökmü ilə S.Quliyev ömürlük, M.Səfərov 20 il müddətinə azadlıqdan məhrum edilib. Onların apellyasiya şikayəti təmin edilməyib, hökm qüvvədə saxlanılıb.

Yerevanda Opera teatrı yaxınlığında kafelərin sökülməsinə etiraz əlaməti olaraq dünəndən etibarən kütləvi aksiya keçirilir.

Hökumətin qərarından narazı olan ticarətçilər Maştots prospektini bağlamağa cəhd ediblər.

Əraziyə cəlb olunan polis əməkdaşları vətəndaşlara güc tətbiq ediblər, saxlanılanlar var.

Etirazçılar Yerevan meri Ayk Marutyanla görüş tələb edirlər.

“Samsung Galaxy S10” üz tanıma sistemini rahatlıqla aldatmağın mümkün olduğunu aşkar ediblər.

Istifadəçilər smartfonu blokdan çıxartmaq üçün smartfon sahibinin üzünün əks olunduğu fotonu ön kameraya yaxınlaşdırıblar və kilidi açıblar.

Məlumata görə, üz tanıma sistemini smartfon sahibinin üzünün əks olunduğu video vasitəsilə də aldatmaq mümkündür.

Bununla yanaşı məlum olub ki, bu texnologiya həm də istifadəçinin cinsini də tanıya bilmir. Belə ki, Honkonqdan olan Ceyn Vong adlı qadın bloqqerin sözlərinə əsasən o, qardaşının “Galaxy S10” modelini öz üzünü skan edərək blokdan çıxara bilib.