Bakıda dekabrın 13-də MDB-yə üzv ölkələrin Könüllü Təşkilatlarının Forumu başlayıb.
Tədbir dekabrın 20-dək davam edəcək.
Forum Azərbaycanın Gənclər və İdman Nazirliyi və MDB-yə üzv ölkələrin Dövlətlərarası Humanitar Əməkdaşlıq Fondunun dəstəyi ilə təşkil olunur.
Tədbirin məqsədi ideyaların mübadiləsi, könüllülük bacarıqlarının inkişafı və sosial məsələlərin birgə həlli üçün müxtəlif ölkələrdən olan gəncləri birləşdirən dinamik platforma yaratmaqdır.
Forumun işində MDB-nin səkkiz ölkəsindən təxminən 100 gənc iştirak edəcək.
Tədbir çərçivəsində panel sessiyaları, dəyirmi masalar, müzakirə platformaları keçiriləcək və burada “Könüllülük və dayanıqlı inkişaf məqsədləri”, “Qlobal çağırışlar və yerli həllər”, “Gələcək nəsillər üçün planetin qorunması” və digər mövzular müzakirə olunacaq.
