Prezident İlham Əliyev tərəfindən təməli qoyulan 110/35/10 kilovoltluq “Laçın” Qovşaq yarımstansiyasının tikintisi sürətlə davam etdirilir.Aydan az vaxt keçməsinə baxmayaraq “AzərEnerji” tərəfindən tikilən yarımstansiyada işlərin böyük hissəsi görülüb. 

Yarımstansiyada transformatorlar quraşdırılıb, açıq paylayıcı hissədə işlərin böyük hissəsi icra edilib, idarəetmə mərkəzi və mühəndis yataqxanasının tikintisi sürətlə davam etdirilir. 

Eyni zamanda “Güləbird” SES-dən yeni yarımstansiyaya çəkilən yüksək gərginlikli 110 kilovoltluq ötürmə xəttində isə işlər başa çatıb. Qovşaq yarımstansiya funksiyasını daşıyacaq Laçın şəhər yarımstansiyası Şərq tərəfdən “Şükürbəyli”, “Cəbrayıl”, “Zəngilan”, “Qubadlı” yarımstasiyaları, Qərb tərəfdən “Daşkəsən,” “Kəlbəcər”, “Qorçu” yarımstansiyaları, nəhayət mərkəz tərəfdən “Şuşa” və “Füzuli” yarımstansiyaları ilə 110 kV-luq ikidövrəli ötürmə xətləri ilə əlaqaləndiriləcək. Bununla da Qarabağ və Şərqi Zəngəzurun 110 kV-luq dairəvi elektrik təchizatı yaradılacaq. Bu da işğaldan azad edilən ərazilərin enerji təchizatında fasiləsiziyi təmin edəcək.

Onu da xüsusi qeyd edək ki, “Azərenerji” tərəfindən Laçın rayonunda digər istiqamətdə tikilən “Qorçu” yarımstansiyasında işlər tamamlanıb və eyni zamanda Kəlbəcərdən Qorçuya çəkilən 110 kV-luq ikidövrəli ötürmə xəttində də işlər yekunlaşıb.

Kəlbəcər rayonunun Zar kəndi yaxınlığında bədbəxt hadisə nəticəsində vəfat edən hərbçi dəfn edilib.

Müddətli hərbi qulluqçu Nurəddin Burhan oğlu Mirzəzadə doğulduğu Lerik rayonunda torpağa tapşırılıb.

Mərhumun dayısı Vidadi Ordahallı dəfndən görüntülər paylaşıb.

Paytaxtın Sabunçu rayonunda dövlət müəssisələrindən birinin inzibati binasının dəmir məhəccərlərini, habelə kanalizasiya quyularının dəmir qapağını oğurlayan şəxs saxlanılıb.

Bu barədə Daxili İşlər Nazirliyinin (DİN) Mətbuat Xidmətindən məlumat verilib.

Bildiirlib ki, Sabunçu rayonunda yerləşən dövlət müəssisələrindən birinin inzibati binasının dəmir məhəccərləri naməlum şəxs tərəfindən oğurlanıb. Hadisə nəticəsində müəssisəyə 5000 min manata yaxın maddi ziyan dəyib.

Sabunçu Rayon Polis İdarəsinin 15-ci Polis Bölməsinin əməkdaşları tərəfindən həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən Sabunçu rayon sakini əvvəllər məhkum olunmuş Əli Əliyev saxlanılıb.

Aparılan araşdırmalar zamanı onun Sabunçu rayonunda əlavə olaraq 17 ədəd kanalizasiya quyusunun dəmir qapaqlarını oğurladığı da müəyyən edilib. Bundan başqa Əli Əliyev Kürdəxanı, Zabrat və digər ərazilərdə yerləşən ümumilikdə 10 evdən təmir-tikinti və məişət əşyaları oğurladığını bildirib.

Faktlarla bağlı 15-ci Polis Bölməsində toplanan materiallar Sabunçu Rayon Polis İdarəsinin İstintaq Şöbəsinə göndərilib, araşdırmalar davam etdirilir.

İstinadlar Report

Fövqəladə Hallar Nazirliyinin (FHN) “112” qaynar telefon xəttinə Sumqayıt şəhəri, 76-cı məhəllə ərazisində hərbi sursatın aşkar edilməsi barədə məlumat daxil olub.

FHN-dən bildirilib ki, məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.

Hüquq-mühafizə orqanlarının əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatın iki ədəd BR-281 zirehdələn-izlikli tank mərmisi olduğu müəyyən edilib.

Sursat XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.

İstinadlar Report

“Bu ilin əvvəlində dövri yoxlama müddəti bitən qaz sayğaclarının sayı 650 minə yaxın olub. Artıq 250 min qaz sayğacı əvəz olunaraq dövlət yoxlamasına göndərilib”.

Bu sözləri SOCAR “Azəriqaz” İstehsalat Birliyinin Sayğacların tətbiqi, idarə olunması və nəzarəti şöbəsinin rəisi Rövşən Məhyəddinov “Açıq qapı” aksiyasında bildirib.

Qurum rəsmisi qeyd edib ki, bu il qaz sayğacında kənar müdaxilə hallarında xeyli azalmalar müşahidə olunub ki, bu da sevindirici haldır.

“2020-ci ildə 13 000, 2021-ci ildə 20 800, bu il isə 8 900 ədəd çıxarılan qaz sayğaclarında kənar müdaxilə halları aşkarlanıb. Demək olar ki, iki dəfə azalıb. Eyni zamanda, ötən ildən başlayaraq qaz sayğaclarının şəffaf qutularda yerləşdirilməsi həyata keçirilir. Bu şəffaf qutular həm zərbəyə davamlıdır, həm də sayğacın kənar müdaxilədən qorunmasını təmin edilir. Şəffaf qutu quraşdırıldıqdan sonra hər iki hissədən möhürlənir. Bu işlərin nəticəsində ötən ildən artıq qaz sayğaclarına olan müdaxilələr ciddi şəkildə azalıb”, – deyə şöbə rəisi qeyd edib.

Birliyin İctimaiyyətlə əlaqələr şöbəsinin rəisi Eldəniz Vəliyev cari ilin yanvar-oktyabr aylarını əhatə edən bir sıra statistik məlumatları media nümayəndələrinin diqqətinə çatdırıb. Aparılan qazlaşma işlərindən söz açan qurum rəsmisi artıq 14 kənd və 38 yaşayış massivində işlərin tam yekunlaşdığını, 39 kənd və 23 yaşayış massivində isə tamamlanma işlərinin həyata keçirildiyini vurğulayıb. Şöbə rəisi görüş zamanı əhali istehlakçılarının 58,8 faizinin üçpilləli tarif sisteminin ilkin pilləsini, yəni 1200 m3 limitini keçmədiyini bildirib:

“Bu da 1 milyon 441 min abonent deməkdir. Düşünürəm ki, bu, kifayət qədər normal rəqəmdir və ötən illə müqayisədə ciddi bir fərq var”.

Ətraflı: 

2020-ci ildə Şirvan-Muğan qrup su kəmərindən Neftçala şəhərinə yeni magistral su kəmərinin çəkilməsi ilə rayon mərkəzi və bir neçə kənd içməli su ilə təmin edilib. Şəhərin su təchizatında etibarlılığın artırılması, eləcə də su çatışmazlığından əziyyət çəkən digər yaşayış məntəqələrinin dayanıqlı və keyfiyyətli içməli suya çıxışını təmin etmək məqsədilə Şirvan-Muğan qrup su kəmərindən ikinci magistral kəmərin tikintisinə başlanılıb. 38 km uzunluğunda layihələndirilən magistral su kəməri 450 və 560 mm diametrli polietilen borularla inşa edilir. Artıq kəmərin tikintisi üzrə işlərin 30 faizə qədəri icra olunub.

Kəmərin inşaasının qısa müddətdə başa çatdırılması nəzərdə tutulur.

Yeni kəmər 2020-ci ildə inşa edilmiş birinci Salyan-Neftçala magistral su kəməri ilə əlaqələndiriləcək. Bu da gələcəkdə baş verə biləcək qəzalar zamanı, eləcə də suya tələbatın artdığı yay aylarında bütün yaşayış məntəqələrinin dayanıqlı su təchizatına imkan yaradacaq.

Xatırladaq ki, 2020-ci ilin yayında Xəzər dənizi suyunun Kür çayı istiqamətində axması suyun keyfiyyətinin pisləşməsinə səbəb olmuş, nəticədə bu mənbədən qidalanan sutəmizləyici qurğuların fəaliyyəti dayandırılmışdır. Prezident İlham Əliyevin xüsusi tapşırıqlarına uyğun olaraq 2020-ci ilin iyun ayında Şirvan-Muğan qrup su kəmərindən Neftçala şəhərinə 40 km uzunluğunda magistral kəmər və Salyan şəhəri yaxınlığında həcmi 7500 kubmetr olan su anbarı tikilib. 2020-ci ilin noyabr ayında yeni infrastrukturdan Neftçala şəhərinə suyun verilməsi təmin edilib.

Yasamal Rayon Polis İdarəsi Narkotiklərlə Mübarizə Bölməsi, həmçinin ərazi şöbə və bölmələri tərəfindən oktyabr-noyabr ayları ərzində keçirilən əməliyyatlar nəticəsində narkotiklərin qanunsuz dövriyyəsi ilə məşğul olan ümumilikdə 61 nəfər saxlanılıb.

Bu barədə Daxili İşlər Nazirliyinin (DİN) Mətbuat Xidmətindən məlumat verilib.

Bildirib ki, qanunsuz dövriyyədən külli miqdarda narkotik vasitə və psixotrop maddələr çıxarılıb.

Aşkar edilən faktlarla bağlı Yasamal Rayon Polis İdarəsinin İstintaq Şöbəsində araşdırmalar davam etdirilir.

“Bu şəxslərin daxil olduqları narkoşəbəkənin digər üzvlərinin saxlanılması istiqamətində əməliyyat tədbirləri davam etdirilir”, – məlumatda qeyd olunub.

İstinadlar Report

Sumqayıtda 24 yaşlı kişi binanın 4-cü mərtəbəsinin eyvanından yıxılıb.

Bu barədə Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in qaynar telefon xəttinə Sumqayıt şəhər, 26-cı məhəllədə dördmərtəbəli yaşayış binasında 1 nəfər vətəndaşın köməksiz vəziyyətdə qalması barədə məlumat daxil olub. Məlumatla əlaqədar dərhal FHN-in Sumqayıt Regional Mərkəzinin Xüsusi Xilasetmə Hissəsinin və Sumqayıt şəhər Dövlət Yanğından Mühafizə Hissəsinin müvafiq xilasetmə qüvvələri hadisə yerinə cəlb olunub.

Hadisə yerində əməliyyat şəraiti qiymətləndirilərkən məlum olub ki, 1998-ci il təvəllüdlü Həsənov Nahid Eyvaz oğlu dördmərtəbəli binanın 4-cü mərtəbəsinin eyvanından yıxılaraq 2-ci mərtəbədəki mənzilin artırma hissəsinin üzərinə düşüb və köməksiz vəziyyətdə qalıb.

Xilasedicilər xilasetmə vasitələrindən və avtonərdivandan istifadə etməklə vətəndaşa müvafiq köməklik göstərərək aşağı düşürüb, təcili tibbi yardım briqadasına təhvil veriblər.

İstinadlar Report

“Progress Garden” şirkəti Şuşa şəhərini abadlaşdırılmasında yaxından iştirak edir.

“Progress Garden” şirkətinin direktoru Əyyub Abbasovun sözlərinə görə, Şuşa şəhərində həyata keçirilən abadlıq-quruculuq və təmizlik işlərində iştiraklarından çox məmnundurlar: “Şuşa şəhərinin abadlaşdırılması üzrə keçirilmiş ilk tenderin qalibi biz olduq. Şirkət olaraq təqdim etdiyimiz son model, orijinal və dünya keyfiyyət standartına uyğun olan avadanlıqlar Şuşa şəhərində istifadə edilir. Bundan şərəf və qürur duyuruq”.

Məlumata görə, Şuşa şəhərinin abadlıq təcrübəsi yaxın gələcəkdə digər şəhərlərimizdə də tətbiq ediləcək.

Qeyd edək ki, 1996-cı ildən etibarən fəaliyyət göstərən “Progress Garden” şirkəti Almaniyanın bağçılıq, meşəçilik və kənd təsərrüfatı texnikaları və alətləri üzrə ən məşhur firmaları olan “Stihl”, “Viking”, “Gardena”, “Al-Ko”, İsveçrənin “Felco” və Amerikanın “Briggs&Stratton” və “Oregon” firmalarının Azərbaycanda rəsmi idxalçısı və distribüteridir.

26 ildir bazarda öz yerini qoruyub-saxlayan “Progress Garden” şirkəti təqdim etdiyi yüksək keyfiyyətli məhsul və xidmətlərlə müştərilərinin rəğbətini və etimadını qazanıb.

“Progress Garden” şirkətinin məqsədi müştərilərilərinə keyfiyyətli bağ, meşə və kənd təsərrüfatı texnikaları, həmçinin suvarma sistemlərinin satışı və quraşdırılmasını əlçatan qiymətə və keyfiyyətli şəkildə həyata keçirməkdir.

“Progress Garden” şirkətində fəaliyyət göstərən təcrübəli satıcı-konsultantlar və Almaniyada mütəmadi təcrübə keçən servis mütəxəssisləri tərəfindən bağınıza və aparatlarınıza uyğun məsləhətlər ala və satış sonrası dəstəyimizdən yararlana bilərsiniz.

“Progress Garden” şirkəti ilə əlaqə vasitələri:

Satış: +994 70 326 07 14;

Servis: +994 77 326 07 14;

Ofis: +994 10 326 07 14.

İnstaqram: @progress_garden

Feysbuk: Progress Garden

İmeyl: [email protected]

Ünvan: Bakı şəhəri, Nərimanov rayonu, Əliyar Əliyev küçəsi, 212 (Keşlə bazarının yaxınlığı).