Türkiyədə daha bir azərbaycanlı qadın vəhşicəsinə qətlə yetirilib. Bu ölkə KİV-lərinin  yaydıqları xəbərlərə görə Azərbaycan vətəndaşı Qənirə Cabbarova sevgilisi tərəfindən vəhşicəsinə bıçaqlanaraq öldürülüb.

Hadisə Tefenni-Çavdar kara yolu, Beyköy yol ayrıcında baş verib.

Mənbə yazır ki, 24 yaşlı Qənirə Cabbarova sevgilisi Halil A. adlı şəxslə (24 yaş) birlikdə ötən gecə Gölhisar qəsəbəsində yerləşən mənzillərinə dönərkən aralarında mübahisə yaranıb. Onların mübahisəsi davaya çevrilib, nəticədə Halil A. Qənirə Cabbarovanı avtomobildən endirərək ona 55 bıçaq zərbəsi vurub.

Hadisəyə şahid olan Ali T. adlı taksi sürücüsü təcili yardım çağırsa da, Cabbarovanın həyatını xilas etmək mümkün olmayıb. Qadının meyiti müayinə üçün Antalya Xəstəxanasına gətirilib. Hadiyə yerinə jandarmalar cəlb edilib.

Qətli törətməkdə şübhəli bilinən Halil A. saxlanılıb, araşdırma aparılır.

Qeyd edək ki, azərbaycanlı qadınlar tez-tez Türkiyədə kriminal hadisələrdə rol alırlar, fahişəliklə məşğul olmaq üçün bu ölkəyə gedən qadınlar gah “sevgilililəri” tərəfindən öldürülür, gah da jandarma və polis reydləri zamanı saxlanılaraq deportasiya edilir.

Oxumağa dəyər:   "Apple Watch" saatı insult diaqnozunu qoya biləcək

Türkiyə qadınlara qarşı zorakılıqların geniş yayıldığı ölkələrdən biridir.

İstinadlar virtualaz.org