Banklarda 5000 və daha yüksək məbləğlərdə dollar satışına limit qoyulduğu bildirilir. “Azərbaycan Banklar Assosiasiyası” (ABA) İctimai Birliyinin sədri Zakir Nuriyev banklarda ABŞ dollarının satışına limit qoyulmasına münasibət bildirib.

Qeyd edək ki, bu günədək Dollar satışında bir sıra məhdudiyyətlər mövcud idi, 5000 dollar və daha yüksək məbləğlər şəxsiyyət vəsiqəsilə satılır.

Zakir Nuriyev bildirib ki, Dollar satışında limit 5000 dollar və yüksək məbləğlərə aiddir.

“Limitin tətbiqi ilk növbədə valyuta bazarında möhtəkirlik hallarının qarşısını almaq məqsədi daşıyır. Bəzi işbazarlar kütləvi şəkildə dolları alıb, sonra onu baha satış çıxarırlar, bazarda gərginlik yaradırlar. Yəni, hansısa siravi vətəndaş nəyə görə birdən-birə 100 min dollar almalıdır ki?

Buna görə də, dolların nağd şəkildə satışına limit qoyulub. Nağdsız satışda isə limit yoxdur. İstənilən qədər məbləği hesaba qoymaq, kartla ödəniş etmək olar. Bu tədbirlərin məqsədi həm də odur ki, nağd hesablaşmalar məhdudlaşdırılsın, nağdsız hesablaşmalar stumillaşdırılsın. Dövriyyədə şəffaflıq təmin olunsun”.

İstinadlar Report