Tacikistanda MDB-yə üzv ölkələrin vergi (maliyyə) cinayətlərinin araşdırılması orqanları rəhbərlərinin Koordinasiya Şurasının XX iclası keçirilib.

Tədbirdə Azərbaycan, Belarus, Ermənistan, Qırğız Respublikası, Rusiya, Tacikistan və Özbəkistanın müvafiq orqanlarının nümayəndələri iştirak ediblər.

Tədbir zamanı dövlətlərin iqtisadi təhlükəsizliyinin təmin edilməsi, ekstremizm və terrorizmin maliyyələşdirilməsinə qarşı mübarizə məsələləri müzakirə edilib. Nümayəndələr qaçaqmalçılığa və aksiz markası olmayan malların qanunsuz dövriyyəsinə qarşı mübarizə üzrə qurumlararası əməkdaşlıq təcrübələrini bölüşüblər.

Görüşün yekununda bu sahədə beynəlxalq əməkdaşlığın inkişafına töhfə verən bir sıra qərarlar qəbul edilib.

İstinadlar Report