Azərbaycan tezliklə Latviyanın “Latvijas gaze” şirkətinin səhmdarlarından birinə çevrilə bilər.

Bunu Avropa Parlamentinin deputatı Andris Ameriks bildirib.

“Bu istiqamətdə işlər aparılır və yaxın gələcəkdə burada maraqlı xəbərlər ola bilər”, – deyə A. Ameriks bildirib.

Onun sözlərinə görə, bu günlərdə Brüsseldə Azərbaycanın rəqəmsal inkişaf və nəqliyyat naziri ilə danışıqlar aparılıb: “Azərbaycanla əməkdaşlıq müzakirə edilib: İndiki geosiyasi vəziyyətdə Azərbaycan Avropa İttifaqı üçün ciddi tərəfdaşa çevrilə bilər ki, bu da bizə enerji problemlərini həll etməyə kömək edəcək. Azərbaycan artıq Bolqarıstan, Yunanıstan kimi Avropa ölkələrinə təbii qaz nəql edir, İtaliyanın tələbatının 60 %-i Azərbaycan qazı hesabına ödənilir. Bu hələ tam deyil”.

A.Ameriks bildirib ki, bu əməkdaşlığın yeni vektorları Latviya şirkəti üçün geniş imkanlar açır: “Bizə iş yerlərini saxlamağa və yenilərini yaratmağa imkan verir. Necə deyərlər, bir qapı bağlansa, digəri açılacaq”.

İstinadlar Report