Almaniyada “Beynəlxalq Sələvi Ənsar Cəmiyyəti” adlı qruplaşmanın fəaliyyəti qadağan olunub.

“Report”un Avropa bürosunun Almaniya Federal Daxili İşlər Nazirliyindən əldə etdiyi məlumatda deyilir ki, 2019-cu ilin əvvəlində cəmiyyət və ona bağlı qruplara qarşı federal polisin 10 fərqli əyalətdə keçiridiyi əməliyyat zamanı xeyli sayda sənəd, audio və videomaterial maddi subut kimi götürülüb. Həmin maddi sübutlar Federal Kriminalistika Bürosu tərəfindən araşdırılıb. Nəticədə məlum olub ki, cəmiyyət uzun illər Suriyadakı Əl-Nusra cəbhəsinə, Fələstində Həmasa, Somalidəki Əl-Şəbbab terror təşkilatına maliyyə yardımları edib. İz itrimək istəyən cəmiyyət bütün sənədlərdə pul köçürmələrini “humanitar yardım” kimi qeyd edib.

Nazirliyin sözcüsü Steve Alter açıqlamasında bildirib ki, terrorçuluqla mübarizənin ən effektiv üsulu onların maliyyə mənbələrini qurutmaqdır.

“2019-cu ilin aprel ayında bu dini şəbəkəyə geniş bir polis basqın oldu.

“Beynəlxalq Sələvi Ənsar Cəmiyyəti” nin mərkəzi Düsseldorf şəhərində olsa da, digər 9 əyalətdə cəmiyyətin geniş şəbəkəsi, xüsusilə ona bağlı cəmiyyətlər mövcud idi. Maddi subut kimi ələ keçirilən sənədlərin yoxlanılması zamanı məlum olmuşdu ki, cəmiyyət təkcə Şimali Reyn Vestfaliya əyalətində 90-dan çox obyektdən aylıq xərac yığır” – deyə, S.Alter vurğulayıb.

Almaniya mətubatındakı xəbərlərə görə, “Beynəlxalq Sələvi Ənsar Cəmiyyəti”nə Afrika ölkələri ilə yanaşı Ermənistan, Suriya, Livan, İrodaniya kimi Cənubi Qafqaz və ərəb ölkələrinin Almaniyada yaşayan vətəndaşları maliyyə yardımı ediblər.

İstinadlar Report