Almaniyanın cənub-qərbində Ubştadt-Vayer (Baden-Vürtemberq) icmasında yük maşınının tramvayla toqquşması nəticəsində 1 nəfər ölüb, 4 nəfər yaralanıb.
Bu barədə “Bild” nəşri məlumat yayıb.
Məlumata görə, qəza saat 14:15 radələrində (Bakı vaxtı ilə 17:15) dəmir yolu keçidində baş verib. Yük maşınının sürücüsü qısa yoldan istifadə etmək qərarına gəlib və kəsişməni keçərkən işıqforun qırmızı işığına məhəl qoymayıb.
Qeyd olunur ki, toqquşma zamanı tramvayda yeddi sərnişin olub, onlardan üçü yüngül xəsarətlər alıb. Tramvayın qarşısından onun sürücüsünə aid olduğu ehtimal edilən meyit çıxarılıb. Yük maşınının sürücüsü müxtəlif xəsarətlərlə xəstəxanaya yerləşdirilib.
Azərbaycan24 sosial şəbəkələrdə
İstinadlar Report
