Almaniya Balkan ölkələrindən insanların immiqrasiyasını hazırlamaq və yardımçı olmaq üçün islahat layihəsini açıqlayıb.

Bu barədə “Reuters” məlumat yayıb.

Almaniya Aİ üzvü olmayan işçilərin sayını ildə 60 min artırmaq üçün immiqrasiya qanununda islahatlar aparır. Kansler Olaf Şolts hökuməti qarşısına Avropanın ən böyük iqtisadiyyatında işçi qüvvəsi çatışmazlığını aradan qaldırmaq məqsədi qoyub.

“Bizim ixtisaslı işçi qüvvəmizi təmin etmək Almaniyanın qarşıdakı onilliklər üçün ən böyük iqtisadi problemlərindən biridir”, – Almaniyanın əmək naziri Hubertus Hayl deyib.