Müdafiə naziri Boris Pistoriusun Kiyevə səfəri fonunda Almaniya Ukraynaya verilən silahların siyahısını yeniləyib.

Bu, Almaniya hökumətinin saytında dərc edilmiş Ukrayna Silahlı Qüvvələrinə hərbi yardım siyahısından bəlli olub.

Yeni paketə 20 MRAP zirehli maşını, 600 HF-1 zərbə PUA-sı, “Leopard 1” tankları üçün mərmi, 139 müxtəlif növ kəşfiyyat PUA-sı, 155 mm kalibrli 14 min artilleriya mərmisi, 122 mm kalibrli 19 min mərmi daxildir. Həmçinin 495 ədəd HK 416 avtomatı, 11 min mina, 65 binokl tədarük edilib.

Nazirlik vurğulayıb ki, 5 ədəd “Marder” PDM, 9 ədəd RCT-30 zirehli transportyoru, 18 ədəd RCH 155 tipli özüyeriyən artilleriya qurğusu tədarük prosesindədir.

İstinadlar Report