“Almaniya və müttəfiqləri Ukraynanı dəstəkləməyə davam edəcək. Biz Rusiyanın hərbi cinayətlərini araşdırmaq üçün bütün səylərimizi davam etdirəcəyik”.

Bunu Almaniya kansleri Olaf Şolts keçirdiyi mətbuat konfransında deyib.

“Ən böyük problem Rusiyanın Ukraynada apardığı dəhşətli müharibədir. Biz hərbi, maddi və mənəvi baxımdan Ukraynanı fəal şəkildə dəstəkləməyə davam edəcəyik. Rusiya Prezidenti Vladimir Putin bu müharibəyə görə məsuliyyət daşıyır. Rusiya Ukraynaya yeni ərazilər ələ keçirmək üçün hücum etdi. Bu, cinayətkar müharibədir. Biz bu cinayətləri araşdırmaq üçün hər şeyi etməliyik”.

Kanslerin sözlərinə görə, Rusiya Ukrayna ilə sülh danışıqlarının yolunu axtarmalı, öz şərtlərini diktə etməməlidir: “Ukrayna hansı qərarın onun üçün düzgün olduğuna özü qərar verməlidir. Ona görə də danışıqlarda mövqelərini gücləndirmək üçün Ukraynanı dəstəkləmək lazımdır. Ölkənin yenidən qurulması üçün milyardlarla avro lazımdır”.

İstinadlar Report