Türkiyənin Aralıq dənizinin şərqində üzən gəmisinə Almaniya hərbçiləri hücum edib.

Məlumatı “Haber7” yayıb.

Bildirilib ki, Almaniya hərbçiləri beynəlxalq hüquqa zidd olaraq Türkiyə nişanlı gəmini saatlarla Aralıq dənizinin şərqində saxlayıb.

Məlumata görə, humanitar yardım materialları daşıyan Türkiyə bayraqlı “ROSELINA-A2 gəmisi İstanbuldan Liviyaya humanitar yüklə yola düşüb. Noyabrın 22-də gecə saatlarında gəmi Yunanıstan Hərbi Dəniz Qüvvələri komandirinin rəhbərliyi altında, İrini əməliyyatında beynəlxalq hüquqa zidd olaraq Peloponnesdə Almaniya kateri tərəfindən dayandırılıb.

Dəniz nəqliyyatı hüququna əsasən, gəmiyə başqa bir dövlətin hərbçisi çıxa, bayraq olan dövlətin icazəsi olmadan gəmidə yoxlama apara bilməz.

Gəmidə humanitar yardım məhsulları, o cümlədən biskvit kimi qida, boya kimi maddələr olub.

İşğaldan azad edilən ərazilərdə mina və partlamamış hərbi sursatların təmizlənməsi əməliyyatları sürətlə davam etdirilir.

Talış və Suqovuşan istiqamətində aparılan ilkin təmizləmə əməliyyatları əsasən kommunikasiya xətlərinin keçəcəyi yerləri əhatə edir.

Minatəmizləmə əməliyyatları ilkin olaraq kommunikasiya xətlərinin keçəcəyi yerlərdə aparılır. İşğal müddətində ermənilər geniş bir ərazini minalayıblar. Vətən müharibəsi başlayandan həmin ərazilər də daxil olmaqla, işğaldan azad edilən bölgələrdə təmizləmə əməliyyatlarına start verilib.

İşğaldan azad olunan Talış və Suqovuşan istiqamətində ərazilərin minalardan təmizlənməsi prosesi davam edir. Bu vaxta qədər aparılan işlər nəticəsində tank və piyada əleyhinə mina, top və minaatan mərmiləri tapılaraq zərərsizləşdirilib.

Basdırılan minalarla yanaşı, ərazi həm də Vətən müharibəsi zamanı ermənilərin atdığı xeyli sayda partlamamış artileriya mərmilərilə çirklənib. Təmizlənmə əməliyyatları yüksək peşəkarlıqla davam etdirilir. Minatəmizləmə əməliyyatlarının ilkin mərhələsində əsasən kommunikasiya xətlərinin keçəcəyi yerlər, yol və su kanalları təmizlənir. Bunlardan biri də Talış kəndinə gedən yol və Tərtərin bir neçə kəndini Suqovuşan su anbarıyla təmin edən beton kanallardır. İndiyə qədər bu ərazilərdən xeyli sayda partlamamış hərbi sursatlar tapılaraq zərərsizləşdirilib.

Əsas strateji əhəmiyyətli xətlərin keçəcəyi yerlər tam təmizləndikdən sonra təmizləmə əməliyyatları geniş sahələrdə aparılacaq.

Prezident İlham Əliyev və Birinci vitse-prezident Mehriban Əliyevanın Şuşaya səfərləri zamanı dövlət başçısı Füzulidən Şuşaya çəkilən elektrik xəttindən də danışıb.

Prezident bildirib ki, Şuşanın işıqlandırılması və ümumiyyətlə, şəhərin inkişafı üçün yeni xətt mütləq inşa edilməli idi:

“Qısa zaman ərzində ağır relyefi olan ərazidə bu dirəklər qoyulub. Bu onu göstərir ki, yaxın zamanda Şuşaya həyat qayıdacaq”.

Qeyd edək ki, elektrik xətti 75 km məsafədə çəkilir və 110 kV-luq ikidövrəli yüksəkgərginliklidir.

Bakıda Vətən müharibəsi memorial kompleksinin tikintisinə başlanılıb.

Hazırda Xətai rayonu, Ağ şəhərin yaxınlığına Yeni Bulvara bitişik ərazidə açıq havada muzeyin yaradılması üçün işlərə başlanılıb.

Bu muzeydə Vətən Müharibəsi zamanı Azərbaycan Ordusu tərəfindən hərbi qənimət kimi ələ keçirilən və qismən məhv edilən erməni silahlı qüvvələrinə aid texnikalar nümayiş olunacaq.

Qeyd edək ki, Prezident İlham Əliyevin 3 dekabr 2020-ci il tarixli 2316 nömrəli sərəncamı ilə Bakı şəhərində Vətən müharibəsi memorial kompleksi və Zəfər muzeyinin yaradılmasına qərar verilib. Azərbaycanın Birinci vitse-prezidenti Mehriban Əliyevanın tapşırığına əsasən, Zəfər muzeyinin məzmununun hazırlanması və bununla bağlı İşçi qrupunun yaradılması Mədəniyyət Nazirliyinə həvalə edilib.

Video: Nuran Məmmədov

“Keçmiş raykomun binasıdır. Mənfur düşmən özü üçün burada “meriya” adlı bir qurum “yaratmışdı”. Bu, Şuşa şəhərinin xunta başçısının qəbul otağı olub. Bu da qondarma, keçmiş, batmış, gorbagor olmuş “Dağlıq Qarabağ respublikası”nın “Şuşi” şəhərinin “icra başçısı”nın otağı idi. “Şuşi” yox, Şuşa! Unutmasınlar, dəmir yumruq yerindədir!”

Bunu Şuşa rayon İcra Hakimiyyətinin inzibati binasında olan Azərbaycan Prezidenti İlham Əliyev söyləyib.

Ermənilərin Şuşanı tərk edərkən inzibati binalarda talançılığına toxunan ölkə başçısı bunları söyləyib:

“Kondisioneri söküb aparıblar. Şuşadan qaçanda, o qaçaqaçda vaxt tapıb kondisioneri də aparıblar o oğrular”.

Xəbər verdiyimiz kimi, Prezident İlham Əliyev yanvarın 14-də Şuşaya səfər edib.

“Qafqazinfo” səfərdən videonu təqdim edir:

Bu gün Şuşa şəhərinə səfər edən Prezident İlham Əliyev avtomobillə şəhərin küçələrini gəzib. 

Bu barədə birinci vitse-prezident Mehriban Əliyeva instaqram hesabında növbəti video yayıb.

Bakıda və Tərtərdə karantin qaydalarını pozaraq müştərilərə yerində xidmət göstərən kafelər aşkar edilib.

Suraxanı rayonu Yeni Günəşli qəsəbəsində “Azad” və “Çinar”adlı kafelərdə müştərilərə yerində xidmət göstərildiyini və karantin rejiminə əməl edilmədiyini aşkarlayıblar.

Obyektlərin fəaliyyəti dərhal polislər tərəfindən dayandırılıb. Ora baxış zamanı “Azad” kafesinin icarədarı Şərafət Hacıev və “Çinar” kafesinin sahibi Tural Mirzəyev saxlanılıblar. Onlar barəsində qanunla nəzərdə tutulan qaydada inzibati protokollar tərtib edilib.     

Həmçinin hər iki kafedə olan ümumilikdə 26 nəfər müştəri  barəsində inzibati qaydada tədbirlər görülərək hər biri cərimə edilib və həmin şəxslərlə profilaktik söhbətlər aparılıb.

Tərtər rayon ərazisində də karantin qaydalarına zidd olaraq müştərilərə yerində xidmət göstərən kafe aşkar edilib. Kafenin icarədarı Habil Ağayevin barəsində İnzibati Xətalar Məcəlləsinin müvafiq maddəsi ilə cərimə edilib, müştərilərə isə ciddi xəbərdarlıqlar olunub. 

Prezident İlham Əliyev və Birinci vitse-prezident Mehriban Əliyeva bu gün Şuşaya səfərləri zamanı şəhəri gəzərək tarixi abidələrə baş çəkiblər.

“Qafqazinfo”nun verdiyi xəbərə görə, Prezident şəhərdə yerləşən bir binanın üzərində ermənilər tərəfindən yazılan “Şuşi Plaza Hotel” yazısını oxuyaraq “Şuşi adlı şəhər yoxdu, Şuşa var” deyərək reaksiya verib.

Ermənistan Milli Təhlükəsizlik Xidməti Qarabağdan avtomat və digər silahların qaçaqmalçılığı ilə məşğul olan qrupu ifşa edib.

“Qafqazinfo” xəbər verir ki, bu barədə Ermənistan MTX-nin Mətbuat xidməti məlumat yayıb. Silah qaçaqmalçılığı ilə məşğul olan qrupun başında İrəvan sakini S. B. adlı şəxsin olduğu bildirilib.

O, sentyabrın 27-də Qarabağda hərbi əməliyyatlar başladıqdan sonra könüllü olaraq Qarabağa gedib. Daha sonra bir qrup şəxslə əlbir olaraq, silahları qanunsuz şəkildə mənimsəyərək İrəvandakı mənzilinə daşıyıb. Noyabrın başlanğıcında isə sözügedən şəxs silahları 500-600 dollara satmağa hazırlaşıb.

Axtarış zamanı onun mənzilində pulemyot, patron və digər döyüş sursatları tapılıb. Daha sonra isə, Sünik bölgəsinin Tex kəndində İrəvana qanunsuz daşınması və satışı üçün nəzərdə tutulmuş silahların saxlandığı anbarlar tapılıb.

Anbardan ümumilikdə 43 ədəd “Kalaşnikov” avtomatı, 7.62 çaplı 280 patron, 23 qutu 5.45 patron, optik nişanalma binoklları və bir qrant aşkarlanaraq götürülüb.

Bu gün işğaldan azad edilmiş torpaqlarımıza səfər edən Azərbaycan Prezidenti İlham Əliyev Xocavənd rayonunda da olub.

Bu barədə birinci vitse-prezident Mehriban Əliyeva sosial şəbəkə hesabında video paylaşıb. Prezident çıxışında Xocavəndin Böyük Tağlar kəndinin ərazisində olduğunu qeyd edib:

“Bura Azərbaycandır. Xocavənd rayonu. Böyük Tağlar kəndinin ərazisi. Gözəldir bizim ölkəmiz. Bütün bu ərazini işğalçılardan qəhrəman Azərbaycan ordusu azad edib”.

Müdafiə Nazirliyi Cəbrayıl rayonunun Böyük Mərcanlı kəndindən videogörüntülər yayımlayıb.

“Report” həmin görüntüləri təqdim edir:

İstinadlar Report

Xəbər verdiyimiz kimi, Azərbaycan Prezidenti İlham Əliyev Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin Füzuli rayonunda hava limanının təməlini qoyub.

Bununla bağlı birinci xanım Mehriban Əliyeva da paylaşım edib. Paylaşılan videoda dövlət başçısı hava limanı haqda danışıb:

“Füzuli beynəlxalq hava limanının təməlini qoyduq. Bu il Füzuli beynəlxalq hava limanı istifadəyə verilməlidir. Hər halda uçuş-enmə zolağı istifadəyə verilməlidir ki, bu ildən başlayaraq xarici vətəndaşlar və xaricdə yaşayan azərbaycanlılar  Şuşaya rahat təyyarə ilə gələ bilsinlər. Bununla paralel olaraq göstəriş verildi ki, Füzuli beynəlxalq hava limanından beynəlxalq uçuşların təşkil edilməsi istiqamətində də işlərə start verilsin. Eyni zamanda, Azərbaycanın digər şəhərlərindən Şuşaya getmək üçün bura gəlib, buradan rahat gedə bilərlər. Lənkərandan, Naxçıvandan, Gəncədən və digər bizim şəhərlərimizdən.
İndi isə istiqamət Şuşa şəhəri. Yol boyunca əlavə məlumat veriləcək”.

Vətən müharibəsi dövründə səfərbərlik üzrə hərbi xidmətə çağırılmış və səfərbərlikdən tərxis edilmiş şəxslər, eləcə də bəzi vətəndaşların hərbi geyim formasını daşıma hüququna malik olmadığı halda bu geyimdən istifadə etməsi hallarının qarşısını almaq məqsədilə Müdafiə Nazirliyinin Hərbi polis bölmələri Bakı Qarnizonu və digər qarnizonlarda reydlər keçirir.

Bu haqda Müdafiə Nazirliyi məlumat yayıb:

“Bildiririk ki, bəzi vətəndaşlar tərəfindən hərbi geyim formasını daşıma hüququnun pozulması müvafiq qanunvericiliyə ziddir.

Qeyd edək ki, hərbi geyim formasının daşınması “Azərbaycan Respublikası Silahlı Qüvvələrinin hərbi qulluqçularının hərbi geyim forması və fərqləndirmə nişanları haqqında” Əsasnamə və “Azərbaycan Respublikası Silahlı Qüvvələri hərbi qulluqçularının hərbi geyim forması və fərqləndirmə nişanlarının təsvirləri”nin təsdiq edilməsi barədə” Azərbaycan Respublikası Prezidentinin 2001-ci il 25 iyun tarixli Fərmanı ilə tənzimlənir. Azərbaycan Respublikasının İnzibati Xətalar Məcəlləsinin 534-cü maddəsinə əsasən hərbi geyim formasını qanunsuz daşımağa görə inzibati xətanın obyekti olmuş hərbi geyim forması müsadirə edilməklə 300 manatdan 500 manatadək cərimə edilir.

Hərbi geyim formasını daşımaq hüququ olmayan şəxsləri hərbi geyim formasından istifadə etməməyə çağırırıq”.

Xəbər verdiyimiz kimi, Prezident İlham Əliyev və xanımı Mehriban Əliyeva Şuşaya gedib.

Artıq dövlət başçısı və xanımı azad edilmiş ərazilərə çatıb. M. Əliyeva sözügedən səfərdən daha bir video paylaşıb. 

“Azad edilmiş torpaqlara keçirik. Şanlı Azərbaycan Ordusu bu istiqamətdən hücum edərək düşməni qova-qova torpaqlarımızdan çıxardı”-, deyə Prezident bildirib.

“Kontak Home”un onlayn mağazası Similarweb və Alexa – qlobal analitika platformalarının nəticələrinə əsasən, dekabr ayında ölkənin ən çox ziyarət olunan elektron ticarət platforması seçilib. Ötən ay ərzində gündəlik olaraq kontakt-az saytına 100 000 nəfərdən çox adam giriş edib. Bundan başqa, 2020-ci il ərzində sayta ümumilikdə 6 milyondan çox istifadəçi daxil olub.

“Sevindirir” ifadəsini özünə şüar seçən şəbəkə sərtləşdirilmiş karantin rejiminə rəğmən, müştərilərinə axtardıqları hədiyyələri elə evdəncə bir kliklə ünvanına sifariş etmək imkanı yaradır. Müştərilərin rahat alış-verişi üçün şəbəkə Onlayn Satış komandasının tərkibini də 10 dəfəyədək artırıb. Müştərilər həm də ödənişsiz 24 saat ərzində, əlavə ödənişlə ekspress çatdırılma xidmətlərindən faydalana bilər. Bundan başqa, məhsulları canlı görmək istəyənlər saytın “Canlı video məsləhətçi” funksiyasından istifadə edə bilər.

Yeri gəlmişkən, Kontakt Home-da yanvarın 18-dək hər növ məhsula nağd alışda 50%-dək endirim kampaniyası davam edir. Odur ki, elə indi kontakt-az-a daxil olun, sevdiyiniz məhsulu xüsusi endirimlə sifariş edin. Sifarişiniz pulsuz, düz qapınıza çatdırılsın. Ödənişi istər onlayn, istərsə də qapıda nağd və ya bank kartıyla etmək mümkündür. Taksit kart sahibləri endirimi faizsiz hissələrə də bölə bilər.

Nağd və ya taksit kartla sifariş edənlər Kontakt Home-un məşhur “Şeş-Qoşa” kampaniyasının da iştirakına çevriləcək və 1-15 fevral tarixlərində Kontakt Home mağazalarının birində 6-qoşa ataraq aldığı məhsulun dəyərini 100% geri qaytarmaq imkanı qazanacaq. Bu fürsətləri qaçırmayın!