
Xalq artisti Ağadadaş Ağayev və tanışı arasında əlbəyaxa dava olub. Bəzi media qurumlarında hətta müğənninin tanışına balta ilə xəsarət yetirdiyi barədə iddia da var.
Hadisə Binəqədi rayonu ərazisində qeydə alınıb.
Məlumata görə, A.Ağayev tanışı ilə söyüş üstündə dava edib.
Daxili İşlər Nazirliyinin mətbuat xidmətindən “Report”un sorğusuna cavab olaraq faktı təsdiqləyiblər.
Nazirlikdən bildirilib ki, hazırda faktla bağlı Binəqədi rayon Polis Şöbəsində araşdırma aparılır.