ABŞ “Ənsar Allah” hərəkatından olan Yəmən üsyançılarını (husilər) terror təşkilatları siyahısına daxil edib.

Bu barədə ABŞ-ın Maliyyə Nazirliyinin bəyanatında deyilir.

“Bu gün (çərşənbə axşamı-red) – 19 yanvarda, ABŞ Dövlət Departamenti “Ənsar Allah”ı xarici terror təşkilatı elan etdi”, – bəyanatda bildirilir.

Bundan başqa, Dövlət Departamenti həmçinin husilərin üç rəhbərini qlobal terrorçular siyahıya salıb.

Daha əvvəl “Reuters” agentliyi mənbələrə istinadən ABŞ-ın Yəmənin “Ənsar Allah” hərəkatını terror təşkilatı elan etmək planları haqqında bildirib. Birləşmiş Ştatların dövlət katibi Mayk Pompeo Vaşinqtonun bu niyyətinin olduğunu təsdiq edib. Husilər özləri onların adlarını terror təşkilatları siyahısına əlavə edəcəyi təqdirdə ABŞ-ı cavab tədbirləri ilə hədələyiblər.

İstinadlar Report