ABŞ, Yaponiya və Cənubi Koreyanın xarici işlər nazirləri (XİN) Münxen Təhlükəsizlik Konfransı çərçivəsində üçtərəfli görüş keçirəcəklər.
Məlumata görə, Yaponiya görüşdən Şimali Koreya tərəfindən 1970-ci və 1980-ci illərdə oğurlanmış yapon vətəndaşları məsələsini müzakirə etmək və çoxtərəfli qarşılıqlı əlaqə mexanizmlərinin vacibliyini təsdiqləmək üçün istifadə etmək niyyətindədir.
ABŞ isə öz növbəsində Asiyada müttəfiqlərlə tərəfdaşlığın gücləndirilməsinə diqqət yetirəcək.
Yaponiya xarici işlər naziri Takesi İvaya, ABŞ Dövlət katibi Marko Rubio və Cənubi Koreya XİN başçısı Ço The Yol arasında danışıqlar Hind-Sakit okean regionunda sabitliyin müzakirə olunduğu “Quad” (ABŞ, Yaponiya, Hindistan və Avstraliya) nümayəndələrinin bu yaxınlardakı görüşü fonunda keçiriləcək.
