ABŞ-ın keçmiş vitse-prezidenti Cozef Bayden 2020-ci ildə keçiriləcək prezident seçkisində namizədliyini irəli sürəcək.

O, bunu “Twitter” səhifəsində yazıb.

C.Bayden ABŞ Prezidenti Barak Obamanın hakimiyyəti illərində ölkənin ikinci şəxsi olub.

Qeyd edək ki, C.Bayden 2009-cu il yanvarın 20-dən 2017-ci il yanvarın 20-dək ABŞ-ın 47-ci vitse-prezident olub. Demokratlar Partiyasından olan keçmiş vitse-prezident 1942-ci il noyabrın 20-də ABŞ-ın Pensilvaniya ştatının Skranton şəhərində anadan olub.