ABŞ yeni “B-21 Raider” strateji bombardmançı təyyarəsini təqdim edib.

Təqdimetmə mərasimi bombardmançı təyyarəni istehsal edən “Northrop Grumman” şirkətinin Palmdeyl şəhərində (Kaliforniya ştatı) yerləşən zavodunda baş tutub.

“B-21 Raider” dünyada ilk altıncı nəsil bombardmançı təyyarədir. O, həm adi, həm də nüvə silahı ilə təchiz edilmiş sursat daşıya bilər.

Qeyd edilib ki, bu strateji bombardmançı təyyarə təkmilləşdirilmiş “stels” texnologiyası sayəsində ən qabaqcıl hava hücumundan müdafiə sistemlərindən yan keçə biləcək.

Mərasimdə ABŞ-ın müdafiə naziri Lloyd Ostin də iştirak edib.